චීනය රුසියාවේ විශාලතම ඉන්ධන ගැණුම්කරු බවට පත්වෙයි.

චීනය රුසියාවේ විශාලතම ඉන්ධන ගැණුම්කරු බවට පත්වෙයි.
ජාත්‍යන්තර බලශක්ති ආයතනය විසින් නිකුත් කළ වාර්තාවක ඒ බව සඳහන්ව තිබේ. 

නැව්ගත කිරිමේ දත්ත උපයෝගී කර ගනිමින් වාර්තාව සකසා ඇත.
වර්තමානයේ දී ඉන්ධන පරිභෝජන රටවල් අතරින් ලොව දෙවන ස්ථානයට පත්වනේ  ද චීනයයි. 

මේ වනවිට දිනකට ඉන්ධන බැරල් බිලියන හයයි දශම හතක් චීනය විසින් ආනයනය කරන බව ද ජාත්‍යන්තර බලශක්ති ආයතනය පවසයි.
ආයතනය නිකුත් කළ වාර්තාවේ සඳහන්ව ඇත්තේ චීනය වෙත රුසියාවෙන් ලබාදෙන ඉන්ධන සැපයුම පසුගිය වසර පහ තුල දෙගුණයකින් ඉහළ ගොස් ඇති බවයි. 

දෙරට අතර පවතින බලශක්ති සහයෝගීතා ගිවිසුම් හේතුවෙන් මෙම තත්ත්වය ඉදිරියේ දී තවත් වර්ධනය වනු ඇතැයි විදෙස් මාධ්‍ය වාර්තා සඳහන් කළේය.