දකුණු ආසියානු කුඩා දරුවන් බි‍්‍රතාන්‍යයේ ගෘහ සේවයට යොදවන බවට තොරතුරු.

දකුණු ආසියානු රටවල කුඩා දරුවන් නීති වීරෝධීව ගෘහ සේවයේ යොදවන බවට බි‍්‍රතාන්‍ය "සන්" පුවත්පත වාර්තා කරයි.

බි‍්‍රතාන්‍ය හා වෙනත් රටවලට කුඩා දරුවන් අලවි කිරිමේ ජාවාරම සම්බන්ධයෙන් කඩිනම් පියවර ගන්නැයි බි‍්‍රතාන්‍යයේ ස්වදේශ කටයුතු පිළිබඳ ඇමතිනි තෙරේසා මේ එරට පොලිසියට නියෝග කර තිබේ.

බි‍්‍රතාන්‍ය සන් පුවත් පත වාර්තා කළ ගවේශනාත්මක පුවතකින් අනතුරුව ඇය මෙම තීරණය ගෙන ඇත.

අවුරුදු 10 ක තරම් ලාබාල දරුවන් බි‍්‍රතාන්‍ය පවුල් වෙත අලෙවිකිරීම සිදුවන බව සන් පුවත්පත අනාවරණ කර තිබේ.

නේපාලයේ සහ ඉන්දියාවේ දුගී ප‍්‍රාන්තවලට අයත් දරුවන් වැටුප් ගෙවීමකින් තොරව බි‍්‍රතාන්‍ය පවුල් වෙත ලබාදී ගෘහ සේවයේ යොදවන බවට තොරතුරු ඇතැයි සන් පුවත්පත වැඩිදුරටත් සඳහන් කරයි.