"මතින් නිදහස් රටක්" මත්ද්‍රව්‍ය නිවාරණ ජාතික වැඩසටහනේ පස්වන අදියර අද ජනපති ප‍්‍රධානත්වයෙන් කුරුණෑගල දී.

"මතින් නිදහස් රටක්" මත්ද්‍රව්‍ය නිවාරණ ජාතික වැඩසටහනේ පස්වන අදියර අද කුරුණෑගල දී පැවැත්වෙයි. 

ජනාධිපති මෛත‍්‍රිපාල සිරිසේන මහතාගේ ප‍්‍රධානත්වයෙන් පස්වරු 2 ට කුරුණෑගල මාළිගාපිටිය ක‍්‍රිඩාංගණයේ දී එය පැවැත්වීමට නියමිතය. 

2014 ට සාපේක්‍ෂව 2020 වන විට ශ‍්‍රී ලංකාවේ නීති විරෝධි මත්ද්‍රව්‍ය නිෂ්පාදනය, ප‍්‍රවාහනය සහ අලෙවිය සියයට අසුවකින් අඩු කිරිම මෙහි එක් අරමුණකි. 

ඒක පුද්ගල මද්‍යසාර භාවිතය සියයට 25 කින් සහ ඒකපුද්ගල දුම්කොළ භාවිතය සියයට 5 කින් ද අඩු කිරිමට ද මෙමඟින් අපේක්‍ෂිතයි.

එමෙන්ම 2020 වනවිට දුම්කොළ නිෂ්පාදන භාවිතය අවම වශයෙන් සියයට 50 කින් අඩු කිරිමට මෙම වැඩපිලිවෙල යටතේ බලාපාරොත්තු වන බව ජනාධිපති මාධ්‍ය අංශය නිකුත් කළ නිවේදනයක දැක්වේ.