මියන්මාරයේ දේශපාලන සිරකරුවන් නිදහස් කිරීමට පියවර.

මියන්මාරයේ බන්ධනාගාර ගත කර සිටින සියලූ දේශපාලන සිරකරුවන් ඉදිරි සති කිහිපය තුළ නිදහස් කිරීමට කයුතු කරන බව එරට රජය පවසයි.

ඒ අනුව පන්සියයකට ආසන්න දේශපාලන සිරකරුවන් පිරිසක් නිදහස් කිරීමට නියමිත බව විදෙස් මාධ්‍ය වාර්තා කර තිබේ.

මේ වනවිට චෝදනා ඔප්පු වී සිර ඳඩුවම් විඳින ක්‍රියාධරයින්ට සමාව ලබා දෙන බව සඳහන්ය.

එමෙන්ම අනෙකුත් දේශපාලන සිරකරුවන්ට එරෙහි නඩු ඉවත් කර ගැනීමට ද මියන්මාර රජය තීරණය කර තිබේ.

මියන්මාරයේ රාජ්‍ය උපදේශිකා තනතුර නිර්මාණය කිරීමෙන් පසු වැදගත්ම කාර්යය ලෙස දේශපාලන සිරකරුවන් නිදහස් කිරීම සඳහා අවධානය යොමු කළ බව මියන්මාර ප්‍රජාතන්ත්‍රවාදී ලීගයේ නායිකා අවුන්සාන් සුචී සඳහන් කර ඇත.