අලූත් අවුරුදු නැකැත් සීට්ටුව චාරිත්‍රානුකූලව ජනපතිට පිළිගන්වයි.

සිංහල හා දෙමළ අලූත් අවුරුදු නැකැත් සීට්ටුව සාම්ප්‍රදායික චාරිත්‍රානුකූලව ජනාධිපති මෛත්‍රීපාල සිරිසේන මහතා වෙත පිළිගන්වයි.

ජනාධිපති නිල නිවසේ දී පෙරවරුවේ එය සිදු කෙරුණු බව ජනාධිපති මාධ්‍ය අංශය නිවේදනය කර තිබේ.

චිරාගත පිළිවෙත් අනුව නැකැත් මොහොට්ටාල සංකේතවත් කළ අයෙකු විසින් ජනාධිපතිවරයා වෙත නැකැත් සීට්ටුව පිළිගන්වනු ලැබීය.

අභ්‍යන්තර - වයඹ සංවර්ධන හා සංස්කෘතික කටයුතු අමාත්‍ය එස්. බී නාවින්න මහතා ඇතුළු පිරිසක් මෙම අවස්ථාවට එක්ව සිටි බව ජනාධිපති මාධ්‍ය අංශය සඳහන් කර තිබේ.