උතුරුමැද උපාධිධාරීන් ගුරුවරුන් බඳවා ගැනීමේ තරග විභාගය දින නියමයකින් තොරව කල් යයි.

උතුරු මැද පළාත් ගුරු පුරප්පාඩු සඳහා උපාධිධාරීන් ගුරුවරුන් බඳවා ගැනීමේ තරග විභාගය දින නියමයකින් තොරව කල් යයි.

එම විභාගය අනිද්දා පැවැත්වීමට මීට පෙර තීරණය කර තිබිණි.

කෙසේ වෙතත් දින නියමයකින් තොරව විභාගය කල් දැමීමට පළාත් රාජ්‍ය සේවා කොමිසන් සභාව තීරණය කර ඇත.

ඒ සම්බන්ධයෙන් සියලූ අයදුම්කරුවන් දැනුවත් කළ බව ද කොමිසම සඳහන් කළේය.

මේ අතර අදාළ තරග විභාගය සඳහා අයදුම්පත් භාර ගැනීමේ කාලය තවදුරටත් දීර්ඝ කිරීමට ද පියවර ගෙන තිබේ.

ඒ අනුව උතුරුමැද පළාත් උපාධිධාරීන්ට ලබන 22 වැනි දින දක්වා ඒ සඳහා අයදුම්පත් යොමු කළ හැකි බව පළාත් රාජ්‍ය සේවා කොමිසම සඳහන් කළේය.