වර්ෂාව හේතුවෙන් මාර්ග රැසක් ජලයෙන් යටවෙයි - පළාත් රැසක ජනතාව පීඩාවට.

මාවනැල්ල අරණායක සාමසර කන්ද නායයාමෙන් එළ`ගපිටිය, පල්ලෙබාගේ සහ ශී‍්‍ර පුර ප‍්‍රදේශවල පුද්ගලයෝ  450 ක් පමණ අවතැන්ව සිටිති.    

මෙම ප‍්‍රදේශයේ පවුල් 190 කට වැඩි සංඛ්‍යාවක් පදිංචි වී සිටි බව අප වාර්තාකරු ස`දහන් කරයි.

අතුරුදන්වූවන් සෙවීමේ කටයුතු ඊයේ රාති‍්‍රයේ සිට සිදු වෙයි.

මේ වනවිට තුවාල ලැබූවන් 16 දෙනෙකු සොයාගෙන තිබේ.

ඔවුන්ගෙන් 14 දෙනෙක් අරණායක රෝහලට ඇතුළත් කර ඇති අතර දෙදෙනෙක් මාවනැල්ල රෝහලේ ප‍්‍රතිකාර ලබති. 

ආපදා කළමනාකරණ මධ්‍යස්ථානය සහ පොලිසිය එක්ව විපතට පත්වූවන් මුදා ගැනීමේ මෙහෙයුම් සිදු කරයි.

මේ අතර රුවන්වැල්ල ප‍්‍රාදේශිය ලේකම් කොට්ඨාශයේ ග‍්‍රාමසේවා වසම් 17 කට අයත් පවුල් 797 ක පුද්ගලයෝ 2553 දෙනෙක් අවතැන්ව සිටිති.     

ඔවුන් මේ වනවිට අවතැන් ක`දවුරු දෙකක ර`දවා ඇතැයි වාර්තා වෙයි.

ගලපිටමඩ, ඉ`දුරාන, ගෝනගල සහ ලෙවන්ගම උතුර ප‍්‍රදේශයේ පස් ක`දු කඩා වැටීමෙන් පවුල් 04 ක් අවතැන්ව සිටිති.  

නායයාමේ අවදානම හේතුවෙන් වැන්දල ග‍්‍රාම නිලධාරී වසමේ පවුල් 30 ක් සහ පල්ලේ කණුගල ග‍්‍රාම නිලධාරි වසමේ පවුල් 03 ක් අවදානම් තත්ත්වයේ පවතින බව නිවේදනය කර තිබේ.       

අප වාර්තාකරු කියා සිටියේ වැන්දල ග‍්‍රාම නිලධාරී වසමේ එක් නිවසක් නායයාමට ලක්ව ඇති බවයි.

වර්ෂාව හේතුවෙන් කලූතර දිස්ති‍්‍රක්කයේ පවුල් 870 කට අයත් පුද්ගලයෝ 3355 ක් විපතට පත්ව සිටිති.

නිවාස 18 ක් සම්පූර්ණයෙන් විනාශ වී ඇති අතර අර්ධ වශයෙන් හානි වූ නිවාස ගණන 200 කි.
අවතැන්වූවන් මිල්ලනිය, පානදුර හා හොරණ ප‍්‍රදේශවල ක`දවුරුවල තාවකාලිකව ර`දවා ඇත. 

දිස්ති‍්‍රක් ලේකම් යූ. ඞී. සී ජයලාල් මහතාගේ උපදෙස් පරිදි විපතට පත්වූවන්ට සහන සැලසීමේ කටයුතු කි‍්‍රයාත්මකය.