ඉන්දීය ප්‍රිමියර් ලීග් ක්‍රිකට් තරගාවලියේ දෙවැනි තරගයෙන් කඩුලූ නවයක විශිෂ්ට ජයක් ලබා ගැනීමට කොල්කටා නයිට් රයිඩර්ස් කණ්ඩායම සමත් වෙයි.

ඉන්දීය ප්‍රිමියර් ලීග් ක්‍රිකට් තරගාවලියේ දෙවැනි තරගයෙන් කඩුලූ නවයක විශිෂ්ට ජයක් ලබා ගැනීමට කොල්කටා නයිට් රයිඩර්ස් කණ්ඩායම සමත් වෙයි.

දිල්ලි ඩෙයා ඩෙවිල්ස් කණ්ඩායමට එරෙහිව ඊයේ රාත්‍රියේ කොල්කටහි දී තරගය පැවැත්විණි.

කාසියේ වාසිය දිනාගත් කොල්කටා නයිට් රයිඩර්ස් කණ්ඩායම ප්‍රථමයෙන් පන්දු රැකීමට තීරණය කළේය.

ඒ අනුව පන්දුවට පහර දුන් දිල්ලි ඩෙයා ඩෙවිල්ස් ක්‍රීඩකයින්ට පන්දුවාර 17 යි පන්දු 4ක දී සියලූ දෙනා දැවී ලබාගත හැකි වූයේ ලකුණු 98 ක් පමණි.

පිළිතුරු ඉණිම ක්‍රීඩා කළ කොල්කටා නයිට් රයිඩර්ස් කණ්ඩායම පන්දුවාර 14 යි එක් පන්දුවක දී එක් කඩුල්ලක් පමණක් දැවී තරගයේ ජය වාර්තා කිරීමට සමත් විය.
ගෞතම් ගාම්බීර් නොදැවී ලකුණු 38 ක් රැස් කළේය.

ඉන්දීය ප්‍රිමියර් ලීග් ක්‍රිකට් තරගාවලියේ 03 වැනි තරගය අද කිංග්ස් ඉලවන් පන්ජාබ් හා ගුජරාට් ලයන්ස් කණ්ඩායම් අතර පැවැත්වෙයි.

මොහාලිහි දී රාත්‍රී හතට එය ආරම්භ කිරීමට නියමිතය.