ජගත් සංවිධානයේ ගෝලීය උණුසුමට එරෙහි සටනට රටවල් 120 ක සහය.

ගෝලීය උණූසුමට එරෙහි එක්සත් ජාතීන්ගේ සටනට රටවල් 120 ක් අත්සන් කිරීමට සූදානම් බව ප්‍රංශ පාරිසරික අමාත්‍යාංශය පවසයි.

අමාත්‍ය සෙහොලින් රෝල් මේ බව සඳහන් කර තිබේ.

පසුගිය දෙසැම්බර් මාසයේ රජයන් 200 ක් පමණ ගෝලීය උණූසුම සෙල්සියස් අංශක 02 කට අඩුකිරීමේ එකඟතාවට පැමණ ඇත.

මේ අතර ලොව කාළගුණ ආධාර ලෙස පොහොසත් රටවලින් ඩොලර් මිලියනයක් ලබාගැනීමට අපේක්ෂා කරන බව ද ප්‍රංශය සඳහන් කර තිබේ.

2020 සිට එය ක්‍රියාත්මක කිරීමට නියමිතය.

යුරෝපා සංගමය පසුගිය වසරේ දී මේ සඳහා ගිවිසුම් අත්සන් කළ අතර සංවර්ධනය වෙමින් පවතින ප්‍රධාන රටක් වන ඉන්දියාව ද මේ සඳහා එකඟතාවය පලකර තිබේ.

මේ සඳහා අප්‍රිකානු රටවලින් ද යහපත් ප්‍රතිචාර ලැබී ඇත.