යුද ගැටුම් හා දේශපාලනික බලපෑම් හේතුවෙන් ගමන් බලපත‍්‍ර නිකුත් කිරීමේ දී පනවා තිබූ රෙගුලාසි ඉවතට.

යුද ගැටුම් හා දේශපාලනික බලපෑම් හේතුවෙන් විදෙස්ගතව සිටින ශ‍්‍රී ලාංකිකයින්ට ගමන් බලපත‍්‍ර නිකුත් කිරීමේ දී කලක සිට පනවා තිබූ රෙගුලාසි ඉවත් කරයි.

ඊයේ (01) සිට බලපැවැත්වෙන පරිදි තීරණය ගත් බව විදේශ කටයුතු අමාත්‍යංශය නිකුත් කළ නිවේදනයක දැක්වේ.

ශ‍්‍රී ලංකාව හැර ගිය පුද්ගලයින්ට ගමන් බලපත‍්‍ර නිකුත් කිරීමේ දී පිළිපැදිය යුතු රෙගුලාසි මාලාවක් විදේශ කටයුතු අමාත්‍යංශය විසින් විදෙස් රටවල පිහිටි තානාපති කාර්යාලවලට 2011 වසරේ දී යොමු කර තිබිණි.

ඒ අනුව ලාංකිකයින් සරණාගතභාවය හෝ රැුකවරණය ඉල්ලා සිටි රටවලින් ඔවුන්ට සරණාගතභාවය හෝ රැුකවරණය ලැබී ඇත්න, එවැනි පුද්ගලයින්ට ගමන් බලපත‍්‍ර නිකුත් නොකරන ලෙස දැනුම් දී තිබිණ.

එම තත්වය යටතේ අදාළ ශ‍්‍රී ලාංකිකයින්ට යළි දිවයිනට පැමිණීමේ දී ගැටලූකාරී තත්වයටක මුහුණ පෑමට සිදුව ඇත.

ඒ අනුව එම සීමාවන් ඉවත් කිරීමට රජය පියවර ගෙන ඇතැයි විදේශ කටයුතු අමාත්‍යංශය ස`දහන් කර තිබේ.