නව රජයට කිසිදු සැලැස්මක් නොමැති බවට ජ වි පෙන් චෝදනා.

බදු පැනවීමට හේතුව කුමක්ද යන්න රජය ජනතාවට මෙතෙක් කිසිදු පැහැදිලි කිරිමක් සිදු නොකළ බව ජනතා විමුක්ති පෙරමුණ චෝදනා කරයි. 

බදු පැනවීමට තරම් ආර්ථිකයේ සිදුවු කඩා වැටීම කුමක් ද යන්න අග‍්‍රාමාත්‍යවරයා හෝ මුදල් අමාත්‍යවරයා මෙතෙක් අනාවරණය කර නොමැති බව එම පෙරමුණේ දේශපාලන මණ්ඩල සභික ලාල් කාන්ත මහතා පැවසිය. 

නව රජයට කිසිදු සැලැස්මක් නොමැති බවට හෙතෙම චෝදනා කර සිටි. 

ඒ හේතුවෙන් රට ආරජික තත්ත්වයට පත්ව ඇති බව ලාල් කාන්ත මහතා පෙන්වා දෙයි. 

හෙතෙම මේ බව කියා සිටියේ රජයට එරෙහිව පෙළ ගැසීම ස`දහා ජනතාව දැනුවත් කිරිම වෙනුවෙන් කොළඹදී ඊයේ අත්පත‍්‍රිකා බෙදීමේ අවස්ථාවකට එක්වෙමිනි. 

රජයට එරෙහිව දැවැන්ත අරගලයක අවශ්‍යතාව මේ වනවිට පැන නැගී ඇති බව ජනතා විමුක්ති පෙරමුණ පවසයි.