දුම්වැටි භාවිතය අවම කළ හැක්කේ මිල වැඩි කිරිමෙන් පමණක් බව දුම්කොළ හා මධ්‍යසාර පිළිබඳ ජාතික අධිකාරිය පවසයි.

දුම්කොළ භාවිතය වැඩි වශයෙන් සිදුවනුයේ දුම්වැටි මගින් බව දුම්කොළ හා මධ්‍යසාර පිළිබඳ ජාතික අධිකාරියේ විධායක අධ්‍යක්‍ෂ පුබුදු සුමනසේකර මහතා පවසයි. 

දුම්වැටි භාවිතය හේතුවෙන් වසරකට ශ‍්‍රී ලංකාවේ සියයට හතක පමණ ප‍්‍රමාණයක් මියයන බව හෙතෙම සඳහන් කළේය. 

පුබුදු සුමනසේකර මහතා මේ බව කියා සිටියේ කොළඹ ඊයේ පැවති මාධ්‍ය හමුවකට එක්වෙමිනි. 

එබැවින් දුම්වැටි භාවිතය අවම කිරිම ප‍්‍රතිපත්තිමය වශයෙන් සිදුකළ යුතු බව හෙතෙම පෙන්වා දෙයි. 

දුම්වැටි භාවිතය වැළැක්වීම සඳහා සිදුකළ හැකි එකම ක‍්‍රියාමාර්ගය එහි මිල ගණන් ඉහළ නැංවීම බව පුබුදු සුමනසේකර මහතා සඳහන් කළේය. 

දුම්වැටි මිල පාලනය කිරිම සඳහා රජයට අයිතියක් නොමැති බවත් සිදුකළ හැක්කේ දුම්වැටි බද්ද වැඩිකිරිම පමණක් බවත් ඒ මහතා කියා සිටි.