පොසොන් උත්සවය නිමිත්තෙන් අනුරාධපුරයේ පාසල් දහතුනක් අනිද්දා සිට වසා තැබේ.

අනුරාධපුරය මිහින්තලය සහ තින්තිරිමලේ ප‍්‍රදේශවල පාසල් 13 ක් ලබන අනිද්දා සිට ලබන 22 වැනිදා දක්වා වසා තැබෙන බව උතුරු මැද පළාත් අධ්‍යාපන දෙපාර්තමේන්තුව නිවේදනය කරයි. 

අනුරාධපුර මධ්‍ය විද්‍යාලය, ස්වර්ණපාලි බාලිකා විද්‍යාලය, ශාන්ත ජොශප් මහා විද්‍යාලය, වලිසිංහ හරිස්චන්ද්‍ර මහා විද්‍යාලය, නිවන්තක චේතිය මහා විද්‍යාලය සහ සහිරා විද්‍යාලය ඒ අතර වෙයි. 

මීට අමතරව දේවානම්පියතිස්ස මහා විද්‍යාලය, විවේකානන්ද මහා විද්‍යාලය, මහා බෝධි විද්‍යාලය, මිහින්තලය මහා විද්‍යාලය, මිහින්තලය කණිෂ්ඨ විද්‍යාලය, කම්මලක්කුලම විද්‍යාලය සහ තන්තිරිමලේ විමලඥාන මහා විද්‍යාලය වසා තැබේ. 

පොසොන් උත්සවය වෙනුවෙන් පහසුකම් සැපයීම වෙනුවෙන් පාසල් වසා තැබීමට පියවර ගෙන තිබේ. 

විශේෂ රාජකාරී ස`දහා පිට ප‍්‍රදේශවලින් පැමිණෙන ආරක්‍ෂක නිළධාරීන්ට පාසල්වලදී නවාතැන් ලබාදෙන බව ද උතුරු මැද පළාත් අධ්‍යාපන දෙපාර්තමේන්තුව නිකුත් කළ නිවේදනයේ දැක්වේ.