අනුරාධපුරයේ පාසල් 13 කට අද සිට නිවාඩු.

අනුරාධපුරය මිහින්තලය සහ තන්තිරිමලේ ප‍්‍රදේශවල පාසල් 13 ක් අද සිට ලබන බදාදා දක්වා වසා තැබෙන බව උතුරු මැද පළාත් අධ්‍යාපන දෙපාර්තමේන්තුව නිවේදනය කරයි. 

අනුරාධපුර මධ්‍ය විද්‍යාලය, ස්වර්ණපාලි බාලිකා විද්‍යාලය, ශාන්ත ජොශප් මහා විද්‍යාලය, වලිසිංහ හරිස්චන්ද්‍ර මහා විද්‍යාලය, නිවන්තක චේතිය මහා විද්‍යාලය සහ සහිරා විද්‍යාලය ඒ අතර වෙයි. 

මීට අමතරව දේවානම්පියතිස්ස මහා විද්‍යාලය, විවේකානන්ද මහා විද්‍යාලය, මහා බෝධි විද්‍යාලය, මිහින්තලය මහා විද්‍යාලය, මිහින්තලය කණිෂ්ඨ විද්‍යාලය, කම්මලක්කුලම විද්‍යාලය සහ තන්තිරිමලේ විමලඥාන මහා විද්‍යාලය ද වසා තැබේ. 

පොසොන් උත්සවයට අදාළ පහසුකම් සැපයීම වෙනුවෙන් පාසල් වසා තැබීමට පියවර ගෙන තිබේ. 

විශේෂ රාජකාරී ස`දහා පිට ප‍්‍රදේශවලින් පැමිණෙන ආරක්‍ෂක නිලධාරීන්ට නවාතැන් ලබා දීම ස`දහා එම පාසල් යොදා ගන්නා බව ද උතුරු මැද පළාත් අධ්‍යාපන දෙපාර්තමේන්තුව නිකුත් කළ නිවේදනයේ දැක්වෙයි.